ਹੁਸ਼ਿਆਰਪੁਰ ‘ਚ ਕਿਸਾਨਾਂ ਨੇ ਘੇਰਿਆ F.C.I ਦਾ ਦਫ਼ਤਰ, ਮੋਦੀ ਸਰਕਾਰ ਖਿਲਾਫ਼ ਕੀਤੀ ਨਾਅਰੇਬਾਜ਼ੀ

ਹੁਸ਼ਿਆਰਪੁਰ (ਅਮਰੀਕ ਕੁਮਾਰ),5 ਅਪ੍ਰੈਲ

Farmer Portest FCI: ਅੱਜ ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ ਦੇਸ਼ ਭਰ ਵਿਚ ਐਫਸੀਏ ਦਫ਼ਤਰਾਂ ਦਾ ਘਿਰਾਓ ਕਰਨ ਦੀ ਕਾਲ ਦਿੱਤੀ ਗਈ ਸੀl ਇਸੇ ਤਹਿਤ ਅੱਜ ਹੁਸ਼ਿਆਰਪੁਰ ਦੇ F.C.I ਦਫ਼ਤਰ ਦੇ ਬਾਹਰ ਵੀ ਵੱਖ ਵੱਖ ਕਿਸਾਨ ਜਥੇਬੰਦੀਆਂ,ਕਿਸਾਨਾਂ ਕਿਸਾਨ ਆਗੂਆਂ ਵੱਲੋਂ ਵੀ  ਐਫਸੀਆਈ ਦਫਤਰਾਂ ਦਾ ਘਿਰਾਓ ਕਰਕੇ F.C.I ਦਫਤਰ ਦੇ ਬਾਹਰ ਬੈਠੇ ਮੋਦੀ ਸਰਕਾਰ ਵਿਰੁੱਧ ਜੰਮ ਕੇ ਨਾਅਰੇਬਾਜ਼ੀ ਕੀਤੀl

ਇਸ ਦੌਰਾਨ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਸਾਨ ਆਗੂਆਂ ਨੇ ਕਿਹਾ ਕਿ ਮੋਦੀ ਸਰਕਾਰ  ਦੇ ਕੰਨ ਤੇ ਜੂੰ  ਨਹੀਂ ਸਰਕ ਰਹੀ ਪ੍ਰੰਤੂ ਕਿਸਾਨ ਵੀ ਬਿੱਲ ਵਾਪਸ ਕਰਵਾਏ ਬਗੈਰ ਘਰਾਂ ਨੂੰ ਨਹੀਂ ਪਰਤਣਗੇ l

ਉਨ੍ਹਾਂ ਦੱਸਿਆ ਕਿ ਆਉਣ ਵਾਲੇ ਕੁਝ ਦਿਨਾਂ ਤਕ ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ ਸਰਕਾਰ ਤੇ ਦਬਾਅ ਬਣਾਉਣ ਦੇ ਲਈ ਵੱਡੇ ਪ੍ਰੋਗਰਾਮ ਉਲੀਕੇ ਗਏ ਹਨ ਜਿਸ ਵਿਚ ਸ਼ਾਮਲ ਹੋਣ ਦੇ ਲਈ ਦੇਸ਼ ਭਰ ਅਤੇ ਵਿਸ਼ੇਸ਼ ਤੌਰ ਤੇ ਪੰਜਾਬ ਵਿੱਚੋਂ ਵੱਡੇ ਜਥੇ ਰਵਾਨਾ  ਹੋਣਗੇl

ਇਹ ਖ਼ਬਰ ਵੀ ਪੜ੍ਹੋ: ਕਿਸਾਨ ਅੱਜ ਮਨਾ ਰਹੇ ਹਨ ‘ਐਫਸੀਆਈ ਬਚਾਓ ਦਿਵਸ’

ਉਨ੍ਹਾਂ ਸਪੀਕਰ ਦੇ ਮਾਧਿਅਮ ਰਾਹੀਂ ਐਫਸੀਆਈ ਕਰਮਚਾਰੀਆਂ ਅਤੇ ਅਧਿਕਾਰੀਆਂ ਨੂੰ ਵੀ ਅਪੀਲ ਬੇਨਤੀ ਕੀਤੀ ਕਿ ਜੇਕਰ ਉਹ ਚਾਹੁਣ ਤਾਂ ਉਹ ਕਿਸਾਨਾਂ ਦੇ ਨਾਲ ਆ ਕੇ ਬੈਠ ਕੇ ਆਪਣਾ ਸਮਰਥਨ ਵੀ ਦੇ ਸਕਦੇ ਹਨ ਕਿਉਂਕਿ  ਕੇਂਦਰ ਸਰਕਾਰ   ਸਾਰੇ ਮਹਿਕਮਿਆਂ ਨੂੰ ਨਿੱਜੀ ਹੱਥਾਂ ਵਿੱਚ ਦੇ ਰਹੀ ਹੈ  ਜਿਸ ਦਾ ਅਸਰ F.C.I ਤੇ ਵੀ ਪਵੇਗਾl