ਖੱਟੇ ਡਕਾਰ ਤੋਂ ਨਿਜਾਤ ਪਾਉਣ ਲਈ ਅਪਣਾਉ ਇਹ ਘਰੇਲੂ ਨੁਸਖ਼ੇ

ਨਿਊਜ਼ ਡੈਸਕ,1 ਅਪ੍ਰੈਲ (ਸਕਾਈ ਨਿਊਜ਼ ਬਿਊਰੋ)

ਅੱਜਕਲ ਲੋਕਾਂ ਨੂੰ ਘਰ ਦੇ ਖਾਣੇ ਤੋਂ ਜ਼ਿਆਦਾ ਬਾਹਰ ਦਾ ਫ਼ਾਸਟ ਫ਼ੂਡ ਅਤੇ ਜੰਕ ਫ਼ੂਡ ਪਸੰਦ ਆਉਂਦਾ ਹੈ ਜਿਸ ਕਾਰਨ ਲੋਕਾਂ ਵਿਚ ਢਿੱਡ ਨਾਲ ਸਬੰਧਤ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਹੋ ਜਾਂਦੀਆਂ ਹਨ। ਖਾਣ-ਪੀਣ ਦੀਆਂ ਆਦਤਾਂ ਕਾਰਨ ਕਈ ਵਾਰ ਬੱਚਿਆਂ ਵਿਚ ਉਲਟੀ ਅਤੇ ਢਿੱਡ ਦਰਦ ,ਦਸਤ ਤਾਂ ਉਥੇ ਹੀ ਸੀਨੇ ਵਿਚ ਜਲਣ ਅਤੇ ਖੱਟੇ ਡਕਾਰਾਂ ਦੀ ਸਮੱਸਿਆ ਦੇਖੀ ਜਾਂਦੀ ਹੈ।

ਸੌਂਫ਼ ਵਿਚ ਕਈ ਤਰ੍ਹਾਂ ਦੇ ਐਂਟੀਆਕਸੀਡੈਂਟਜ਼ ਅਤੇ ਮਿਨਰਲਜ਼ ਮਿਲਦੇ ਹਨ ਜੋ ਪਾਚਣ ਦੀ ਪ੍ਰਕਿਿਰਆ ਨੂੰ ਤੇਜ਼ ਕਰਦੇ ਹਨ। ਖੱਟੇ ਡਕਾਰਾਂ ਦੀ ਸਮੱਸਿਆ ਤੋਂ ਰਾਹਤ ਲਈ ਰੋਜ਼ਾਨਾ ਖਾਣੇ ਤੋਂ ਬਾਅਦ ਅੱਧਾ ਚਮਚ ਸੌਂਫ਼ ਅਤੇ ਅੱਧਾ ਚਮਚ ਮਿਸ਼ਰੀ ਖਾਣ ਨਾਲ ਅਰਾਮ ਮਿਲੇਗਾ।  ਨਿੰਬੂ ਪਾਣੀ ਵੀ ਖੱਟੇ ਡਕਾਰਾਂ ਤੋਂ ਰਾਹਤ ਪਾਉਣ ਵਿਚ ਮਦਦ ਕਰ ਸਕਦਾ ਹੈ। ਨਿੰਬੂ ਵਿਚ ਐਸਿਿਟਕ ਗੁਣ ਹੁੰਦੇ ਹਨ ਅਤੇ ਇਹ ਢਿੱਡ ਨੂੰ ਠੰਢਾ ਰੱਖਣ ਦਾ ਕੰਮ ਕਰਦਾ ਹੈ।

ਲੈਕਟਿਕ ਐਸਿਡ ਦੀ ਵਰਤੋਂ ਨਾਲ ਖੱਟੇ ਡਕਾਰਾਂ ਦੀ ਸਮੱਸਿਆ ਵਿਚ ਅਰਾਮ ਮਿਲਦਾ ਹੈ। ਦਹੀਂ ਵਿਚ ਲੈਕਟਿਕ ਐਸਿਡ ਹੋਣ ਕਾਰਨ ਇਹ ਖੱਟੇ ਡਕਾਰ ਦੀ ਸਮੱਸਿਆ ਨੂੰ ਅਸਾਨੀ ਨਾਲ ਠੀਕ ਕਰ ਦਿੰਦਾ ਹੈ। ਇਸ ਤੋਂ ਇਲਾਵਾ ਦਹੀਂ ਵਿਚ ਐਂਜ਼ਾਈਮਜ਼ ਅਤੇ ਕਈ ਤਰ੍ਹਾਂ ਦੇ ਪ੍ਰੋਟੀਨ ਹੁੰਦੇ ਹਨ। ਜੇਕਰ ਤੁਹਾਨੂੰ ਅਕਸਰ ਹੀ ਖੱਟੇ ਡਕਾਰਾਂ ਦੀ ਸਮੱਸਿਆ ਹੁੰਦੀ ਹੈ ਤਾਂ ਮਿਸ਼ਰੀ ਅਤੇ ਸੌਂਫ਼ ਦਾ ਪ੍ਰਯੋਗ ਇਸ ਸਮੱਸਿਆ ਤੋਂ ਹਮੇਸ਼ਾ ਲਈ ਰਾਹਤ ਦਿਵਾਉਂਦਾ ਹੈ।