ਨਵੀਂ ਦਿੱਲੀ,27 ਜਨਵਰੀ (ਸਕਾਈ ਨਿਊਜ਼ ਬਿਊਰੋ)
ਰਾਜਧਾਨੀ ਦਿੱਲੀ ‘ਚ ਕੱਲ ਕੁਝ ਅਜਿਹਾ ਹੋਇਆ ਜਿਸ ਦੀ ਕਿਸੇ ਨੇ ਵੀ ਉਮੀਦ ਨਹੀਂ ਕੀਤੀ ਸੀ ਜਿੱਥੇ ਇੱਕ ਪਾਸੇ ਗਣਤੰਤਰ ਦਿਵਸ ਮੌਕੇ ਦਿੱਲੀ ਵਿੱਚ ਹਰ ਸਾਲ ਦੀ ਤਰ੍ਹਾਂ ਪਰੇਡ ਕੀਤੀ ਜਾ ਰਹੀ ਹੈ ਉਥੇ ਹੀ ਦੂਜੇ ਪਾਸੇ ਕਿਸਾਨਾਂ ਵੱਲੋਂ ਸ਼ੁਰੂ ਕੀਤੇ ਗਏ ਟ੍ਰੈਕਟਰ ਮਾਰਚ ਦੌਰਾਨ ਲਾਲ ਕਿਲ੍ਹੇ ‘ਤੇ ਹਿੰਸਾ ਫੈਲ ਗਈ ਅਤੇ ਦਿੱਲੀ ਦੇ ਹਾਲਾਤ ਤਣਾਅਪੂਰਨ ਬਣ ਗਏ।
ਜਿਸ ਤੋਂ ਭਾਰਤੀ ਕਿਸਾਨ ਯੂਨੀਅਨ ਦੇ ਕੌਮੀ ਬੁਲਾਰੇ ਰਾਕੇਸ਼ ਟਿਕੈਤ ਦਾ ਇੱਕ ਵੀਡਿਓ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਹੀ ਹੈ।ਇਸ ‘ਚ ਉਹ ਕਿਸਾਨਾਂ ਨੂੰ ਉਕਸਾ ਰਹੇ ਹਨ ਉਹ ਬੋਲ ਰਹੇ ਹਨ ਕਿ ਹੁਣ ਸਰਕਾਰ ਸਖਤ ਹੋ ਗਈ ਹੈ ।ਝੰਡੇ ਤੇ ਡੰਡੇ ਨਾਲ ਲੈ ਕੇ ਆਉਣਾ ।ਰਾਕੇਸ਼ ਟਿਕੈਤ ਦਾ ਵੀਡਿਓ ਬੀਜੇਪੀ ਬੁਲਾਰੇ ਸੰਬਿਤ ਪਾਤਰਾ ਨੇ ਵੀ ਟਵੀਟ ਕੀਤਾ ਹੈ।
ਕਿਸਾਨਾਂ ਦਾ ਖੁਲਾਸਾ : ਲੱਖਾ ਸਿਧਾਣਾ ਅਤੇ ਦੀਪ ਸਿੱਧੂ ਨੇ ਕਿਹਾ ਸੀ ਲਾਲ ਕਿਲ੍ਹੇ ‘ਤੇ ਜਾਣ ਲਈ
ਵਾਇਰਲ ਵੀਡੀਓ ‘ਚ ਕੀ ਕਹਿ ਰਹੇ ਹਨ ਰਾਕੇਸ਼ ਟਿਕੈਤ?
ਵਾਇਰਲ ਵੀਡੀਓ ‘ਚ ਰਾਕੇਸ਼ ਟਿਕੈਤ ਕਹਿੰਦੇ ਹਨ, ਮੰਨ ਨਹੀਂ ਰਹੀ, ਜ਼ਿਆਦਾ ਸਖਤ ਹੋ ਰਹੀ ਹੈ ਸਰਕਾਰ। ਲੈ ਆਉਣਾ ਝੰਡਾ, ਲਾਠੀ ਗੋਲ਼ੀ ਵੀ ਨਾਲ ਰੱਖਣਾ ਆਪਣੀ। ਸਮਝ ਜਾਣਾ ਸਾਰੀ ਗੱਲ। ਠੀਕ ਹੈ?
ਆ ਜਾਓ ਬੱਸ ਹੁਣ ਬਹੁਤ ਹੋ ਗਿਆ। ਤਿਰੰਗਾ ਦੇ ਨਾਲ ਆਪਣਾ ਝੰਡਾ ਵੀ ਲਾ ਦੇਣਾ। ਆ ਜਾਓ ਜ਼ਮੀਨ ਬਚਾਉਣ। ਜ਼ਮੀਨ ਨਹੀਂ ਬਚ ਰਹੀ। ਹਾਲਾਂਕਿ ਇਹ ਵੀਡੀਓ ਕਿਸ ਦਿਨ ਦਾ ਹੈ, ਇਸ ਦੀ ਕੋਈ ਜਾਣਕਾਰੀ ਨਹੀਂ ਆਈ।
ਜੋ ਆਦਮੀ ਹਿੰਸਾ ਤੋਂ ਬਾਅਦ ਅੱਜ ਸਵੇਰੇ ਰਾਕੇਸ਼ ਟਿਕੈਤ ਨੇ ਕਿਹਾ ਕਿ ਜਿਸ ਨੇ ਝੰਡਾ ਲਹਿਰਾਇਆ ਉਹ ਕੌਣ ਲੋਕ ਸਨ। ਇੱਕ ਕੌਮ ਨੂੰ ਬਦਨਾਮ ਕਰ ਦੀ ਸਾਜ਼ਿਸ਼ ਪਿਛਲੇ ਦੋ ਮਹੀਨਿਆਂ ਤੋਂ ਚੱਲ ਰਹੀ ਹੈ।
ਕੁਝ ਲੋਕਾਂ ਨੂੰ ਦੇਖਿਆ ਗਿਆ ਹੈ, ਉਨ੍ਹਾਂ ਨੂੰ ਅੱਜ ਇੱਥੋਂ ਹੀ ਜਾਣਾ ਪਵੇਗਾ। ਜੋ ਆਦਮੀ ਹਿੰਸਾ ‘ਚ ਪਾਇਆ ਜਾਵੇਗਾ, ਉਸ ਨੂੰ ਸਥਾਨ ਛੱਡਣਾ ਪਵੇਗਾ ਤੇ ਉਸ ਖਿਲਾਫ ਕਾਰਵਾਈ ਹੋਵੇਗੀ।