ਆਇਓਵਾ(ਸਕਾਈ ਨਊਸ ਪੰਜਾਬ)7ਮਾਰਚ 2022
ਅਮਰੀਕਾ ਦੇ ਆਇਓਵਾ ਸੂਬੇ ‘ਚ ਆਏ ਭਿਆਨਕ ਤੂਫਾਨ ‘ਚ 2 ਬੱਚਿਆਂ ਤੇ 7 ਲੋਕਾਂ ਦੀ ਮੌਤ ਹੋ ਗਈ। ਤੂਫਾਨ ਕਾਰਨ ਕਈ ਘਰਾਂ ਅਤੇ ਬਿਜਲੀ ਸਪਲਾਈ ਨੂੰ ਨੁਕਸਾਨ ਪਹੁੰਚਿਆ |ਮੈਡੀਸਨ ਕਾਊਂਟੀ ਦੇ ਆਫ਼ਤ ਪ੍ਰਬੰਧਨ ਅਧਿਕਾਰੀਆਂ ਨੇ ਦੱਸਿਆ ਕਿ ਤੂਫ਼ਾਨ ਸਥਾਨਕ ਸਮੇਂ ਅਨੁਸਾਰ ਸ਼ਾਮ 4:30 ਵਜੇ ਡੇਸ ਮੋਇਨੇਸ ਖੇਤਰ ਨਾਲ ਟਕਰਾ ਗਿਆ ਅਤੇ ਚਾਰ ਲੋਕ ਜ਼ਖਮੀ ਹੋ ਗਏ। ਉਹਨਾਂ ਦੱਸਿਆ ਕਿ ਮਰਨ ਵਾਲਿਆਂ ਵਿਚ 2 ਸਾਲ ਦਾ ਬਚਾ ਵੀ ਸ਼ਾਮਿਲ ਸੀ |
ਡੇਸ ਮੋਇਨਸ ਵਿਚਲੇ ਕੌਮੀ ਮੌਸਮ ਸੇਵਾ ਦਫ਼ਤਰ ਅਨੁਮਾਨ ਅਨੁਸਾਰ ਤੂਫ਼ਾਨ ਦੌਰਾਨ ਘੱਟੋ ਘੱਟ 136 ਤੋਂ 151 ਮੀਲ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲੀਆਂ।ਤੂਫ਼ਾਨ ਨਾਲ 25 ਤੋਂ 30 ਘਰ ਬੁਰੀ ਤਰ੍ਹਾਂ ਨੁਕਸਾਨੇ ਗਏ। ਤੂਫਾਨ ਤੋਂ ਬਾਅਦ ਦਰਖ਼ਤ ਡਿੱਗਣ ਨਾਲ ਕਈ ਸੜਕਾਂ ਬੰਦ ਹੋ ਗਈਆਂ ਅਤੇ ਬਿਜਲੀ ਸਪਲਾਈ ਚ ਵੀ ਕਾਫੀ ਨੁਕਸਾਨ ਹੋਇਆ | ਜਿਸ ਨਾਲ ਡੇਸ ਮੋਇਨੇਸ ਖੇਤਰ ਵਿਚ ਕਰੀਬ 10,000 ਲੋਕ ਪ੍ਰਭਾਵਿਤ ਹੋਏ।