ਨਵੀਂ ਦਿੱਲੀ(ਸਕਾਈ ਨਿਊਜ਼ ਪੰਜਾਬ)8ਮਾਰਚ 2022
ਭਾਰਤ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮੰਗਲਵਾਰ ਨੂੰ ਇੱਕ ਵੈਬਿਨਾਰ ਪ੍ਰੋਗਰਾਮ ਨੂੰ ਸੰਬੋਧਿਤ ਕੀਤਾ, ਜਿਸਨੂੰ ਫਾਇਨਾਂਸਿੰਗ ਫਾਰ ਗ੍ਰੋਥ ਐਂਡ ਐਸਪੀਰੇਸ਼ਨਲ ਇਕਾਨਮੀ ਕਿਹਾ ਜਾਂਦਾ ਹੈ। ਇਸ ਦੌਰਾਨ ਉਨ੍ਹਾਂ ਨੇ ਭਾਰਤੀ ਅਰਥਵਿਵਸਥਾ ਦੇ ਬਾਰੇ ਕੇਂਦਰੀ ਬਜਟ ਵਿੱਚ ਕੀਤੇ ਗਏ ਐਲਾਨਾਂ ਨੂੰ ਵਿਕਾਸ ਲਈ ਅਹਿਮ ਦੱਸਿਆ ਕਿਹਾ ਕਿ ਭਿਆਨਕ ਕੋਰੋਨਾ ਮਹਾਮਾਰੀ ਤੋਂ ਬਾਅਦ ਸਾਡੇ ਭਾਰਤ ਦੀ ਅਰਥਵਿਵਸਥਾ ਚੰਗੀ ਰਫਤਾਰ ਫੜ ਰਹੀ ਹੈ, ਜੋ ਸਾਡੀ ਸਰਕਾਰ ਦੀ ਬੁਨਿਆਦੀ ਤਾਕਤ ਅਤੇ ਸੁਧਾਰਾਂ ਲਈ ਬਹੁਤ ਵਦੀਆ ਹੈ। ਸਾਡੇ ਪ੍ਰਧਾਨ ਮੰਤਰੀ ਦਾ ਕਹਿਣਾ ਸਰਕਾਰ ਨੇ ਅਰਥਵਿਵਸਥਾ ਦੇ ਵਿਕਾਸ ਲਈ ਕਈ ਮਹੱਤਵਪੂਰਨ ਕਦਮ ਚੁੱਕੇ ਹਨ। ਇਨ੍ਹਾਂ ਦੇ ਐਲਾਨ ਵੀ ਬਜਟ ਵਿੱਚ ਕੀਤੇ ਗਏ ਹਨ।
ਪੀਐਮ ਮੋਦੀ ਨੇ ਵੈਬਿਨਾਰ ਵਿੱਚ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ‘ਤੇ ਸਾਰਿਆਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ। ਉਨ੍ਹਾਂ ਕਿਹਾ, ‘ਅੱਜ ਅਸੀਂ ਬਜਟ ‘ਤੇ ਗੱਲਬਾਤ ਕਰਾਂਗੇ, ਇਸ ਲਈ ਇਹ ਸਾਡੇ ਲਈ ਮਾਣ ਵਾਲੀ ਗੱਲ ਹੈ ਕਿ ਸਾਡੇ ਦੇਸ਼ ‘ਚ ਇਕ ਮਹਿਲਾ ਵਿੱਤ ਮੰਤਰੀ ਹੈ। ਜਿਸ ਨੇ ਵਿਕਾਸ ਬਜਟ ਪੇਸ਼ ਕੀਤਾ ਹੈ। ਅਸੀਂ ਭਾਰਤ ਦੇ ਅਰਥਵਿਵਸਥਾ, ਵਿੱਤੀ ਖੇਤਰ ਦੇ ਵਿਕਾਸ, ਟੈਕਸ ਘਟਾਣ ਤੇ NIIF, GIFT ਸਿਟੀ, ਨਵੇਂ DFIs ਦੁਆਰਾ ਕਈ ਮਹੱਤਵਪੂਰਨ ਕਦਮ ਚੁੱਕਣ ਦੀ ਕੋਸ਼ਿਸ਼ ਕੀਤੀ ਹੈ।
ਵਿੱਤ ਖੇਤਰ ਨੂੰ ਭਵਿੱਖ ਦੇ ਵਿਚਾਰਾਂ ਅਤੇ ਪਹਿਲਕਦਮੀਆਂ ਦੀ ਲੋੜ ਹੈ। ਉਨ੍ਹਾਂ ਵਾਤਾਵਰਨ ਨਾਲ ਸਬੰਧਤ ਭਾਰਤੀ ਪਹਿਲਕਦਮੀਆਂ ਬਾਰੇ ਵੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ, ‘ਭਾਰਤ ਨੇ ਸਾਲ 2070 ਤੱਕ ਜ਼ੀਰੋ ਕਾਰਬਨ ਨਿਕਾਸੀ ਦਾ ਟੀਚਾ ਰੱਖਿਆ ਹੈ। ਅਜਿਹੀ ਸਥਿਤੀ ਵਿੱਚ, ਗਤੀ ਦੇਣ ਲਈ, ਇਹ ਜ਼ਰੂਰੀ ਹੈ ਕਿ ਅਸੀਂ ਵਾਤਾਵਰਣ ਅਨੁਕੂਲ ਪ੍ਰੋਜੈਕਟਾਂ ‘ਤੇ ਕੰਮ ਕਰੀਏ ਅਤੇ ਉਨ੍ਹਾਂ ਨੂੰ ਅੱਗੇ ਵਧੀਏ।