ਏਐਸਆਈ ਖੁਦਕੁਸ਼ੀ ਮਾਮਲੇ ‘ਚ ਨਵਾਂ ਮੌੜ: ਪੁੱਤ ਦਾ ਕਤਲ ਕਰਨ ਤੋਂ ਬਾਅਦ ਖੁਦ ਨੂੰ ਮਾਰੀ ਸੀ ਗੋਲੀ

ਗੁਰਦਾਸਪੁਰ (ਰਾਜੇਸ਼ ਅਲੂਣਾ), 2 ਅਪ੍ਰੈਲ 2022

ਕਲਯੁਗ ਦੇ ਜ਼ਮਾਨੇ ਵਿਚ ਇਨਸਾਨੀ ਰਿਸ਼ਤੇ ਕਿਵੇ ਤਾਰ ਤਾਰ ਹੋ ਰਹੇ ਹਨ ਇਸਦੀ ਤਾਜ਼ਾ ਮਿਸਾਲ ਉਸ ਵੇਲੇ ਸਾਹਮਣੇ ਆਈ ਜਦੋ ਬਟਾਲਾ ਪੁਲਿਸ ਵਲੋਂ ਇਕ ਮਰਡਰ ਨੂੰ ਟਰੇਸ ਕੀਤਾ ਤਾਂ ਪਤਾ ਚਲਿਆ ਕੇ ਬੀਤੀ 29 ਮਾਰਚ ਨੂੰ ਜਿਲੇ ਗੁਰਦਾਸਪੁਰ ਦੇ ਪਿੰਡ ਮੁਲਿਆਵਾਲ ਵਿੱਚ ਸੜਕ ਦੇ ਨਜ਼ਦੀਕ ਤੋਂ ਇਕ ਨੌਜਵਾਨ ਦੀ ਜੋ ਲਾਸ਼ ਬਰਾਮਦ ਹੋਈ ਸੀ l

ਉਸਦਾ ਕਤਲ ਉਸਦੇ ਆਪਣੇ ਪਿਤਾ ਨੇ ਹੀ ਗੋਲੀ ਮਾਰਕੇ ਕੀਤਾ ਸੀ,,,,,, ਪੁੱਤਰ ਨੂੰ ਗੋਲੀ ਮਾਰ ਕੇ ਕਤਲ ਕਰਨ ਪਿੱਛੇ ਦਾ ਕਾਰਨ ਸੀ ਕਾਰ ਚਲਾਉਣ ਨੂੰ ਲੈਕੇ ਹੋਇਆ ਝਗੜਾ ,,,,,,,,ਛਾਣਬੀਣ ਵਿੱਚ ਪਤਾ ਚਲਿਆ ਕੇ ਜਸਬੀਰ ਸਿੰਘ ਜੋ ਕੇ ਅਜਨਾਲਾ ਦੇ ਨਜ਼ਦੀਕੀ ਪਿੰਡ ਛੀਨਾ ਕਰਮ ਸਿੰਘ ਵਾਲਾ ਦਾ ਰਹਿਣ ਵਾਲਾ ਸੀ ਅਤੇ 28 ਮਾਰਚ ਨੂੰ ਆਪਣੇ ਪੁੱਤਰ ਗਗਨਦੀਪ ਸਿੰਘ ਅਤੇ ਆਪਣੇ ਮਾਮਾ ਗੁਰਦਿਆਲ ਸਿੰਘ ਦੇ ਨਾਲ ਆਪਣੀ ਕਾਰ ਵਿਚ ਬੈਠ ਕੇ ਪਠਾਨਕੋਟ ਗੱਡੀ ਖਰੀਦਣ ਲਈ ਗਏ ਸਨ l

ਪਰ ਗੱਡੀ ਵੇਚਣ ਵਾਲੇ ਨੇ ਗੱਡੀ ਵੇਚਣ ਤੋਂ ਇਨਕਾਰ ਕਰ ਦਿਤਾ ਅਤੇ ਜਦੋਂ ਇਹ ਤਿੰਨੋ ਜਾਣੇ ਵਾਪਿਸ ਆਪਣੇ ਪਿੰਡ ਜਾ ਰਹੇ ਸੀ ਤਾਂ ਰਸਤੇ ਵਿਚ ਜਸਬੀਰ ਸਿੰਘ ਦਾ ਆਪਣੇ ਪੁੱਤਰ ਗਗਨਦੀਪ ਸਿੰਘ ਕਾਰ ਚਲਾਉਣ ਨੂੰ ਲੈਕੇ ਆਪਸੀ ਬਹਿਸਬਾਜ਼ੀ ਸ਼ੁਰੂ ਹੋ ਗਈ ਅਤੇ ਇਸੇ ਬਹਿਸਬਾਜ਼ੀ ਨੇ ਇਸ ਕਦਰ ਸਖਤ ਰੁੱਖ ਅਖਤਿਆਰ ਕਰ ਲਿਆ ਕੇ ਪਿੰਡ ਮੁਲਿਆਵਾਲ ਜ਼ਿਲਾ ਗੁਰਦਾਸਪੁਰ ਦੇ ਨਜ਼ਦੀਕ ਕਾਰ ਰੋਕ ਕੇ ਦੋਵੇ ਜਣੇ ਆਪਸ ਵਿਚ ਝਗੜਨ ਲਗ ਪਏ l

ਇਸੇ ਦੌਰਾਨ ਜਸਬੀਰ ਸਿੰਘ ਨੇ ਆਪਣੇ ਪੁੱਤਰ ਗਗਨਦੀਪ ਸਿੰਘ ਨੂੰ ਗੋਲੀ ਮਾਰ ਕੇ ਕਤਲ ਕਰ ਦਿਤਾ ਅਤੇ ਉਸਦੀ ਲਾਸ਼ ਸੜਕ ਦੇ ਕੋਲ ਸੁੱਟ ਕੇ ਆਪਣੇ ਮਾਮੇ ਗੁਰਦਿਆਲ ਸਿੰਘ ਨਾਲ ਕਾਰ ਰਾਹੀਂ ਆਪਣੇ ਪਿੰਡ ਵਾਪਸ ਚਲੇ ਗਿਆ ਅਤੇ 30 ਮਾਰਚ ਨੂੰ ਆਪਣੇ ਪਿੰਡ ਘਰ ਵਿੱਚ ਹੀ ਜਸਬੀਰ ਸਿੰਘ ਨੇ ਵੀ ਆਪਣੇ ਆਪ ਨੂੰ ਗੋਲੀ ਮਾਰ ਕੇ ਆਤਮਹੱਤਿਆ ਕਰ ਲਈ ,,,,,,ਛਾਣਬੀਣ ਤੋਂ ਬਾਅਦ ਬਟਾਲਾ ਪੁਲਿਸ ਨੇ ਮਾਮਾ ਗੁਰਦਿਆਲ ਸਿੰਘ ਨੂੰ ਵੀ ਗਿਰਫ਼ਤਾਰ ਕਰ ਲਿਆ ਹੈ l