ਅੰਮ੍ਰਿਤਸਰ ( ਮਨਜਿੰਦਰ ਸਿੰਘ), 6 ਮਈ 2022
ਪਿਉ ਵਲੋਂ ਆਪਣੀ ਧੀ ਦਾ ਕਤਲ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ l ਬਟਾਲਾ ਪੁਲਿਸ ਅਧੀਨ ਪੈਂਦੇ ਪਿੰਡ ਡਾਲੇ ਚੱਕ ਵਿੱਚ ਦੇਰ ਰਾਤ ਪਿਉ ਨੇ ਆਪਣੇ ਪਿਉ ਨਾਲ ਮਿਲਕੇ ਆਪਣੀ ਹੀ ਤਲਾਕਸ਼ੁਦਾ ਧੀ ਸਿਰ ਵਿੱਚ ਇਟਾਂ ਮਾਰ ਕੇ ਕਤਲ ਕਰ ਦਿੱਤਾ ਕਤਲ ਦਾ ਕਾਰਨ ਧੀ ਦੇ ਪਿੰਡ ਵਿੱਚ ਹੀ ਕਿਸੇ ਨਾਲ ਨਜਾਇਜ਼ ਸੰਬੰਧ ਨੂੰ ਦੱਸਿਆ ਜਾ ਰਿਹਾ ਹੈ l
ਪਿਤਾ ਲਿਆਕਤ ਮਸੀਹ ਨੇ ਆਪਣੇ ਪਿਤਾ ਜਾਣੀ ਕੇ ਮ੍ਰਿਤਕਾ ਦੇ ਦਾਦੇ ਬਰਕਤ ਮਸੀਹ ਨਾਲ ਮਿਲਕੇ ਆਪਣੀ 32 ਸਾਲਾਂ ਤਲਾਕਸ਼ੁਦਾ ਧੀ ਪ੍ਰੀਤੀ ਦਾ ਕਤਲ ਕਰ ਦਿੱਤਾ,ਮ੍ਰਿਤਕਾ ਆਪਣੇ ਪਿੱਛੇ ਇਕ ਪੰਜ ਸਾਲ ਦੇ ਬੱਚੇ ਨੂੰ ਛੱਡ ਗਈ ਹੈ l
ਪੁਲਿਸ ਦੇ ਜਾਂਚ ਅਧਿਕਾਰੀ ਏ ਐਸ ਆਈ ਮਲਕੀਤ ਸਿੰਘ ਨੇ ਘਟਨਾ ਬਾਰੇ ਦਸਦੇ ਕਿਹਾ ਕਿ ਲਿਆਕਤ ਮਸੀਹ ਨੇ ਆਪਣੇ ਪਿਤਾ ਬਰਕਤ ਮਸੀਹ ਨਾਲ ਮਿਲਕੇ ਆਪਣੀ ਹੀ ਤਲਾਕਸ਼ੁਦਾ ਧੀ ਦਾ ਸਿਰ ਵਿਚ ਇਟਾਂ ਮਾਰਕੇ ਕਤਲ ਕਰ ਦਿੱਤਾ ਹੈ l
ਦੋਵੇ ਦੋਸ਼ੀ ਫਰਾਰ ਹਨ ,ਪੁਲਿਸ ਵਲੋਂ ਦੋਵਾਂ ਦੋਸ਼ੀਆਂ ਨੂੰ ਨਾਮਜ਼ਦ ਕਰਦੇ ਹੋਏ ਕਤਲ ਦਾ ਕੇਸ ਦਰਜ ਕਰ ਲਿਆ ਗਿਆ ਹੈ ਅਤੇ ਦੋਸ਼ੀਆਂ ਨੂੰ ਫੜਨ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ l
ਪੁਲਿਸ ਮੁਤਾਬਿਕ ਮ੍ਰਿਤਕਾ ਪ੍ਰੀਤੀ ਤਲਾਕ ਤੋਂ ਬਾਅਦ ਆਪਣੇ ਪੰਜ ਸਾਲਾਂ ਬੱਚੇ ਨਾਲ ਪੇਕੇ ਪਿੰਡ ਹੀ ਰਹਿੰਦੀ ਸੀ ਅਤੇ ਇਸਦੇ ਪਿੰਡ ਵਿੱਚ ਹੀ ਕਿਸੇ ਨਾਲ ਨਜਾਇਜ਼ ਸੰਬੰਧ ਬਣ ਗਏ l ਜਿਸ ਤੋਂ ਇਸਦਾ ਪੇਕਾ ਪਰਿਵਾਰ ਪ੍ਰੀਤੀ ਨੂੰ ਰੋਕਦੇ ਟੋਕਦੇ ਸੀ ਲੇਕਿਨ ਕਲ ਦੇਰ ਰਾਤ ਪ੍ਰੀਤੀ ਆਪਣੇ ਪ੍ਰੇਮੀ ਨੂੰ ਮਿਲਣ ਨਿਕਲੀ ਤਦੇ ਹੀ ਉਸਦੇ ਪਿਤਾ ਅਤੇ ਦਾਦਾ ਨੇ ਉਸਦਾ ਕਤਲ ਕਰ ਦਿੱਤਾ l,ਫਿਲਹਾਲ ਪੁਲਿਸ ਦੇ ਵਲੋਂ ਮ੍ਰਿਤਕਾ ਦੀ ਦੇਹ ਦਾ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ ਅਤੇ ਪਰਿਵਾਰਿਕ ਮੈਂਬਰ ਮ੍ਰਿਤਕਾ ਦੀ ਦੇਹ ਲੈਣ ਤੋਂ ਇਨਕਾਰੀ ਹਨ