ਲੁਧਿਆਣਾ (ਮਨਦੀਪ ਸਿੰਘ ਦੁੱਗਲ), 27 ਮਾਰਚ 2022
ਥਾਣਾ ਸਦਰ ਪੱਟੀ ਅਧੀਨ ਪੈਂਦੇ ਪਿੰਡ ਧਗਾਣੇ ਦੇ ਨਜ਼ਦੀਕ ਅੱਜ ਉਸ ਵੇਲੇ ਭਿਆਨਕ ਸੜਕ ਹਾਦਸਾ ਵਾਪਰ ਗਿਆ l ਜਦ ਇਕ ਸਵਿਫਟ ਕਾਰ ਦਾ ਅਚਾਨਕ ਟਾਇਰ ਪਾਟਣ ਕਾਰਨ ਇਹ ਕਾਰ ਖੰਭੇ ਨਾਲ ਜਾ ਟਕਰਾਈ ਅਤੇ ਬਿਜਲੀ ਵਾਲਾ ਖੰਬਾਂ ਟੁੱਟ ਕੇ ਅੱਗੇ ਜਾ ਰਹੇ ਸਕੂਟਰੀ ਸਵਾਰ ਇੱਕ ਵਿਅਕਤੀ ਦੇ ਸਿਰ ਵਿਚ ਜਾ ਵੱਜਾ l
ਜਿਸ ਕਾਰਨ ਸਕੂਟਰੀ ਸਵਾਰ ਵਿਅਕਤੀ ਸੜਕ ਤੇ ਡਿੱਗ ਪਿਆl ਜਿਸ ਕਾਰਨ ਸਕੂਟਰੀ ਸਵਾਰ ਵਿਅਕਤੀ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਅਤੇ ਸਵਿਫਟ ਕਾਰ ਵਿੱਚ ਸਵਾਰ ਦੋ ਬੱਚਿਆਂ ਅਤੇ 3 ਔਰਤਾਂ ਸਣੇ ਕਾਰ ਦਾ ਡਰਾਈਵਰ ਗੰਭੀਰ ਜ਼ਖ਼ਮੀ ਹੋ ਗਿਆ l
ਇਹ ਖ਼ਬਰ ਵੀ ਪੜ੍ਹੋ: ਚਿਤੂਰ ‘ਚ ਭਿਆਨਕ ਸੜਕ ਹਾਦਸਾ 7 ਦੀ ਮੌਤ, 45 ਜ਼ਖਮੀ
ਪ੍ਰਾਪਤ ਜਾਣਕਾਰੀ ਅਨੁਸਾਰ ਸਕੂਟਰੀ ਤੇ ਸਵਾਰ ਵਿਅਕਤੀ ਦੀ ਪਹਿਚਾਣ ਰਾਂਝਾ ਸਿੰਘ ਵਾਸੀ ਪਿੰਡ ਬੱਲਿਆਂਵਾਲਾ ਵਜੋਂ ਹੋਈ ਹੈ ਜੋ ਕਿ ਪਿੰਡ ਘਰਿਆਲੇ ਬਾਬਾ ਸ਼ੇਰਸ਼ਾਲੀ ਵੇਲੇ ਵਿੱਚੋਂ ਸਟੇਜ ਤੇ ਗਾਣਾ ਗਾ ਕੇ ਬਾਅਦ ਵਿੱਚ ਉਹ ਆਪਣੇ ਰਿਸ਼ਤੇਦਾਰ ਕੋਲ ਪਿੰਡ ਮਾਡਲ ਜਾ ਰਿਹਾ ਸੀ ਤਾਂ ਜਦ ਉਹ ਪਿੰਡ ਧਗਾਣੇ ਦੇ ਕੋਲ ਪਹੁੰਚਿਆ ਤਾਂ ਮਗਰੋਂ ਆ ਰਹੀ ਸਵਿਫਟ ਕਾਰ ਜਿਸ ਨੂੰ ਗਗਨਦੀਪ ਸਿੰਘ ਵਾਸੀ ਪਿੰਡ ਮਸਤਗਡ਼੍ਹ ਚਲਾ ਰਿਹਾ ਸੀ ਤਾਂ ਅਚਾਨਕ ਉਸ ਦਾ ਟਾਇਰ ਫੱਟ ਗਿਆ l
ਜਿਸ ਕਾਰਨ ਸਵਿਫਟ ਕਾਰ ਪਲਟਦੀ ਹੋਈ ਖੰਭੇ ਵਿੱਚ ਜਾ ਵੱਜੀ ਅਤੇ ਇਹ ਬਿਜਲੀ ਵਾਲਾ ਖੰਬਾਂ ਟੁੱਟ ਕੇ ਅੱਗੇ ਜਾ ਰਹੇ ਸਕੂਟਰੀ ਸਵਾਰ ਰਾਂਝਾ ਸਿੰਘ ਦੇ ਸਿਰ ਵਿੱਚ ਜਾ ਵੱਜਿਆ ਜਿਸ ਰਾਂਝਾ ਸਿੰਘ ਸਡ਼ਕ ਤੇ ਡਿੱਗ ਪਿਆ ਅਤੇ ਉੱਥੇ ਹੀ ਉਸ ਦੀ ਮੌਤ ਹੋ ਗਈ l
ਇਹ ਖ਼ਬਰ ਵੀ ਪੜ੍ਹੋ:ਵਿਧਾਨ ਸਭਾ ਸਪੀਕਰ ਕੁਲਤਾਰ ਸੰਧਵਾਂ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਹੋਏ…
ਦੱਸ ਦੇਈਏ ਕਿ ਸਵਿਫਟ ਕਾਰ ਵਿੱਚ ਸਵਾਰ ਸ਼ਰਨਜੀਤ ਕੌਰ ਉਰਮਲਜੀਤ ਕੌਰ ਹਰਸਿਮਰਤ ਕੌਰ ਹਰਸ਼ਪ੍ਰੀਤ ਸਿੰਘ ਗਿਆਰਾਂ ਸਾਲ ਅਤੇ ਗੁਰਸਾਜਨ ਸਿੰਘ ਛੇ ਸਾਲ ਵਾਸੀ ਮਸਤਗੜ੍ਹ ਗੰਭੀਰ ਜ਼ਖ਼ਮੀ ਹੋ ਗਏ l
ਜਿਨ੍ਹਾਂ ਨੂੰ ਲੋਕਾਂ ਦੀ ਮਦਦ ਨਾਲ ਸਿਵਲ ਹਸਪਤਾਲ ਪੱਟੀ ਵਿਖੇ ਜੇਰੇ ਇਲਾਜ ਭੇਜਿਆ ਗਿਆ ਹੈ l ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਬਿਜਲੀ ਵਾਲੇ ਖੰਭੇ ਦੀਆਂ ਤਾਰਾਂ ਵਿੱਚ ਉਸੇ ਟਾਈਮ ਹੀ ਇਕ ਹੋਰ ਕਾਰ ਤਾਰਾਂ ਦੀ ਲਪੇਟ ਵਿਚ ਆ ਗਈ l
ਜੋ ਤੇਜ਼ ਰਫ਼ਤਾਰ ਹੋਣ ਕਾਰਨ ਨਾਲ ਲੱਗਦੇ ਖੇਤਾਂ ਵਿੱਚ ਜਾ ਵੜੀ ਫਿਲਹਾਲ ਮੌਕੇ ਤੇ ਪਹੁੰਚੀ ਥਾਣਾ ਸਦਰ ਪੱਟੀ ਦੀ ਪੁਲਸ ਵੱਲੋਂ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ l