ਏਜੰਟ ਨਹੀਂ ਕਰ ਰਿਹਾ ਸੀ ਪੈਸੇ ਵਾਪਸ, ਦੁੱਖੀ ਨੌਜਵਾਨ ਨੇ ਕੀਤੀ ਆਤਮਹੱਤਿਆ, ਮਰਨ ਤੋਂ ਪਹਿਲਾਂ ਬਣਾਈ ਵੀਡਿਓ

ਗੁਰਦਾਸਪੁਰ (ਰਾਜੇਸ਼ ਅਲੂਣਾ), 17 ਮਈ 2022

ਏਜੇਂਟਾਂ ਦੀਆਂ ਧੱਕੇਸ਼ਾਹੀਆਂ ਰੁਕਣ ਦਾ ਨਾਮ ਨਹੀਂ ਲੈ ਰਹੀਆਂ ਤਾਜ਼ਾ ਮਾਮਲਾ ਜ਼ਿਲਾ ਦੇ ਸ਼ਹਿਰ ਬਟਾਲਾ ਤੋਂ ਸਾਹਮਣੇ ਆਇਆ ਜਿੱਥੋਂ ਦੇ ਗੁਰਸੇਵਕ ਸਿੰਘ ਜੋ ਕਿ ਉਮਰਪੂਰੇ ਦਾ ਰਹਿਣ ਵਾਲਾ ਹੈ ਅਤੇ ਅੱਜ ਤੋਂ ਪੰਜ ਮਹੀਨੇ ਪਹਿਲਾ ਸੋਧੀ ਅਰਬ ਜਾਂਦਾ ਹੈ ਪਰ 4 ਮਹੀਨੇ ਬਾਅਦ ਕੰਮ ਨਾ ਮਿਲਣ ਕਰਕੇ ਵਾਪਿਸ ਆ ਜਾਂਦਾ ਹੈ ਅਤੇ ਲਗਾਤਾਰ ਏਜੇਂਟ ਕੋਲੋਂ ਆਪਣੇ ਦਿੱਤੇ ਪੈਸੇ ਵਾਪਿਸ ਮੰਗਦਾ ਹੈ l

ਪਰ ਏਜੇਂਟ ਵਲੋਂ ਪੈਸੇ ਬਾਰ ਬਾਰ ਕਹਿਣ ਉੱਤੇ ਨਹੀਂ ਦਿੱਤੇ ਜਾਂਦੇ ਅਤੇ ਪਰਿਵਾਰਿਕ ਮੇਮ੍ਬਰਾਂ ਦਾ ਆਰੋਪ ਹੈ ਕਿ ਉਲਟਾ ਸਾਡੇ ਬੱਚਿਆਂ ਉੱਤੇ ਰੇਪ ਦਾ ਪਰਚਾ ਦਰਜ ਕਰਵਾ ਦਿੱਤਾ ਜਾਂਦਾ ਹੈ ਜੋ ਕਿ ਇਕ ਲੜਕਾ ਜੇਲ ਵਿਚ ਹੈ l ਅੱਜ ਏਜੇਂਟ ਦੀ ਇਸ ਧੱਕੇਸ਼ਾਹੀ ਅਤੇ ਆਪਣੇ ਉਤੇ ਹੋਏ ਰੇਪ ਦੇ ਝੂਠੇ ਪਰਚੇ ਦੀ ਬੇਜਾਇਤੀ ਨੂੰ ਨਾ ਸਹਿੰਦੇ ਹੋਏ ਇਕ ਨੌਜਵਾਨ ਨੇ ਆਤਮਹੱਤਿਆ ਕੀਤੀ ਅਤੇ ਆਪਣੇ ਪਿੱਛੇ ਇੱਕ ਛੋਟੀ ਬੱਚੀ ਅਤੇ ਘਰਵਾਲੀ ਛੱਡ ਗਿਆ l

ਨਾਲ ਹੀ ਇਕ ਵੀਡੀਓ ਵੀ ਬਣਾ ਲਈ ਜਿਸ ਵਿੱਚ ਉਹ ਬਾਰ ਬਾਰ ਕਹਿ ਰਿਹਾ ਹੈ ਕਿ ਏਜੇਂਟ ਵਿਲਸਨ ਕਰਕੇ ਹੀ ਇਹ ਸਾਰੀ ਘਟਨਾ ਨੂੰ ਇੰਜਾਮ ਦੇ ਰਿਹਾ ਹੈ l ਜਿਸ ਤੋਂ ਬਾਅਦ ਪਰਿਵਾਰਿਕ ਮੇਮ੍ਬਰਾਂ ਅਤੇ  ਇਲਾਕੇ ਦੇ ਲੋਕਾਂ ਨੇ ਉਸਦੀ ਮ੍ਰਿਤਿਕ ਦੇਹ ਨੂੰ ਬਟਾਲਾ ਦੇ ਗਾਂਧੀ ਚੌਕ ਰੱਖ ਕੀਤਾ ਪੁਲਿਸ ਖਿਲਾਫ ਰੋਸ਼ ਪ੍ਰਦਰਸ਼ਨ l ਪੁਲਿਸ ਕਰ ਰਹੀ ਹੈ ਬਿਆਨ ਦਰਜ ਅਤੇ ਕਰੇਗੀ ਕਾਰਵਾਈ l

ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਨੁਸ਼ਹਿਰੇ ਮਝਾ ਸਿੰਘ ਵਿਲਸਨ ਏਜੇਂਟ ਦਾ ਦਫਤਰ ਹੈ ਅਤੇ ਲੱਗਭਗ 35 ਦੇ ਕਰੀਬ ਨੌਜਵਾਨ ਹਨ ਜੋ ਕੰਮ ਨਾ ਮਿਲਣ ਕਰਕੇ ਵਾਪਿਸ ਆ ਗਏ ਹਨ ਅਤੇ ਹੁਣ ਏਜੇਂਟ ਇਹਨਾਂ ਦੇ ਪੈਸੇ ਵਾਪਿਸ ਨਹੀਂ ਕਰ ਰਿਹਾ ਅਤੇ ਕੁਝ ਸਮਾਂ ਪਹਿਲਾ ਜਦ ਇਕੱਠੇ ਹੋਕੇ ਇਸਦੇ ਦਫਤਰ ਗਏ ਸੀ ਤਾ ਇਸਨੇ ਸਾਡੇ ਬੱਚਿਆਂ ਉੱਤੇ ਰੇਪ ਦਾ ਝੂਠਾ ਪਰਚਾ ਦਰਜ ਕਰਵਾ ਕੇ ਉਹਨਾਂ ਨੂੰ ਜੇਲ ਭੇਜ ਦਿੱਤਾ l

ਮੇਰਾ ਖੁਦ ਦਾ ਵੀ ਬੱਚਾ ਜੇਲ ਹੈ | ਉਹਨਾਂ ਕਿਹਾ ਕਿ ਪੁਲਿਸ ਵਲੋਂ ਵੀ ਕੋਈ ਇਨਸਾਫ ਨਹੀਂ ਮਿਲਿਆ ਅਸੀਂ ਸ਼ਿਕਾਇਤ ਵੀ ਦਰਜ ਕਰਵਾਈ ਪੁਲਿਸ ਨੇ ਉਹ ਫਾੜ ਕੇ ਡਸਟਬਿਨ ਵਿੱਚ ਸੁੱਟ ਦਿੱਤੀ ਅਤੇ ਅੱਜ ਫਿਰ ਕਹਿ ਰਹੇ ਬਿਆਨ ਦਰਜ ਕਰਵਾਓ ਕਾਰਵਾਈ ਕਰਾਂਗੇ l

ਦੂਜੇ ਪਾਸੇ ਪੁਲਿਸ ਅਧਿਕਾਰੀ ਨੇ ਮੌਕੇ ਉੱਤੇ ਪੁਹੰਚ ਕੇ ਪਰਿਵਾਰ ਨੂੰ ਕਿਹਾ ਕਿ ਉਹ ਆਪਣੇ ਬਿਆਨ ਦਰਜ ਕਰਵਾਉਣ ਤਾ ਅਸੀਂ ਉਹਨਾਂ ਉਤੇ ਬਣਦੀ ਕਾਰਵਾਈ ਕਰ ਸਕੀਏ l

ਦੂਜੇ ਪਾਸੇ ਮੌਕੇ ਉੱਤੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨ ਪੁਹੰਚੇ ਆਪ ਆਗੂ ਨੇ ਪਰਿਵਾਰ ਨੂੰ ਇਨਸਾਫ ਦਵਾਉਣ ਲਈ ਭਰੋਸਾ ਦਿੱਤਾ ਅਤੇ ਪੁਲਿਸ ਪ੍ਰਸਾਸ਼ਨ ਕੋਲੋਂ ਕਾਰਵਾਈ ਦੀ ਮੰਗ ਕੀਤੀ l