ਖੇਡ ਜਗਤ,20 ਜਨਵਰੀ (ਸਕਾਈ ਨਿਊਜ਼ ਬਿਊਰੋ)
ਭਾਰਤ ਦੀ ਯੁਵਾ ਕ੍ਰਿਕਟ ਟੀਮ ਨੇ ਆਪਣੇ ਜ਼ਬਰਦਸਤ ਹੌਂਸਲੇ ਅਤੇ ਬਹਾਦਰੀ ਦੇ ਦਮ ‘ਤੇ ਬ੍ਰਿਸਬੇਨ ਵਿੱਚ ਖੇਡੇ ਗਏ ਚੌਥੇ ਅਤੇ ਆਖਰੀ ਟੈਸਟ ਮੈਚ ਵਿੱਚ ਇਤਿਹਾਸਕ ਜਿੱਤ ਦਰਜ ਕੀਤੀ ਹੈ। ਇਸ ਜਿੱਤ ਤੋਂ ਬਾਅਦ ਰਾਜਨੀਤੀ ਦੇ ਗਲਿਆਰੇ ਵਿੱਚ ਵੀ ਹਲਚੱਲ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਮੇਤ ਕਈ ਰਾਜਨੇਤਾਵਾਂ ਨੇ ਟੀਮ ਇੰਡੀਆ ਨੂੰ ਭਾਰਤ ਦੀ ਇਸ ਜਿੱਤ ‘ਤੇ ਵਧਾਈ ਦਿੱਤੀ ਹੈ। ਇਸ ਕੜੀ ਵਿੱਚ ਹੁਣ ਗੁਜਰਾਤ ਪ੍ਰਦੇਸ਼ ਕਾਂਗਰਸ ਦੇ ਕਾਰਜਕਾਰੀ ਪ੍ਰਧਾਨ ਹਾਰਦਿਕ ਪਟੇਲ ਨੇ ਵੀ ਟਵੀਟ ਕੀਤਾ ਹੈ। ਹਾਲਾਂਕਿ, ਇਸ ਟਵੀਟ ਦੇ ਖੇਡ ਤੋਂ ਜਿਆਦਾ ਰਾਜਨੀਤਿਕ ਮਹੱਤਤਾ ਕੱਢੀ ਜਾ ਰਹੀ ਹੈ।
ऋषभ पंत हिंदू है 89 रन बनाए, शुभमन गिल सिख है 91 रन बनाए, मोहम्मद सिराज मुस्लिम है 5 विकेट लिया और जीत गया भारत। हम तो पहले से कहते है की हिंदू, मुस्लिम, सिख, इसाई एक हो जाएगा भारत को कोई नहीं हरा पाएगा। आपसी नफ़रत से भारत कमजोर होता है लेकिन भाईचारे से भारत मज़बूत बनता हैं।
— Hardik Patel (@HardikPatel_) January 20, 2021
ਹਾਰਦਿਕ ਨੇ ਆਪਣੇ ਟਵੀਟ ਵਿੱਚ ਲਿਿਖਆ, “ਰਿਸ਼ਭ ਪੰਤ ਹਿੰਦੂ ਹੈ, 89 ਦੌੜਾਂ ਬਣਾਈਆਂ, ਸ਼ੁਭਮਨ ਗਿੱਲ ਸਿੱਖ ਹੈ, 91 ਦੌੜਾਂ ਬਣਾਈਆਂ, ਮੁਹੰਮਦ ਸਿਰਾਜ ਮੁਸਲਮਾਨ ਹੈ, 5 ਵਿਕਟਾਂ ਲਈਆਂ ਅਤੇ ਭਾਰਤ ਜਿੱਤ ਗਿਆ। ਅਸੀਂ ਪਹਿਲਾਂ ਹੀ ਕਹਿ ਚੁੱਕੇ ਹਾਂ ਕਿ ਹਿੰਦੂ, ਮੁਸਲਿਮ, ਸਿੱਖ, ਈਸਾਈ ਇੱਕ ਹੋ ਜਾਵੇਗਾ, ਭਾਰਤ ਨੂੰ ਕੋਈ ਵੀ ਨਹੀਂ ਹਰਾ ਸਕੇਗਾ। ਆਪਸੀ ਨਫ਼ਰਤ ਕਾਰਨ ਭਾਰਤ ਕਮਜ਼ੋਰ ਹੁੰਦਾ ਹੈ ਪਰ ਭਾਈਚਾਰਾ ਭਾਰਤ ਨੂੰ ਮਜ਼ਬੂਤ ਬਣਾਉਂਦਾ ਹੈ।” ਹਾਰਦਿਕ ਪਟੇਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਕੇਂਦਰ ਸਰਕਾਰ ਦੇ ਕੱਟੜ ਆਲੋਚਕਾਂ ਵਿੱਚੋਂ ਇੱਕ ਹਨ।